Raqamli texnologiyalar vaziri Acharya universitetiga tashrif buyurdi

Hindistonning yetakchi OTMlaridan biri hisoblangan Acharya universiteti filiali Qorako‘l tumanida joylashgan. 

Tashrif davomida vazir universitetining asosiy jihatlari, talaba va professor-o‘qituvchilar uchun binoda yaratiladigan sharoitlar bilan tanishdi. 2023/2024 o‘quv yili ta’lim jarayonini tashkil etilish masalalari yuzasidan fikr almashdi.  

Acharya universiteti Qorako‘l IT klasterining bir qismidir. Universitet O‘zbekiston Respublikasi Raqamli texnologiyalar vazirligi, Buxoro hokimligi va Hindistonning Acharya institutlari o‘rtasidagi hamkorlik samarasi hisoblanib unda asosiy e’tibor AKT sohasini mukammal o‘rganishga qaratilgan. 

Universitetda sun’iy intellekt, ma’lumotlar fani, kiberxavfsizlik, biznes tahlil va boshqa yo‘nalishlar mavjud. Eng asosiysi esa 100 ta GRANT o‘rin, har bir talabaga bepul noutbuk hamda o‘qituvchilar farzandlari va sportchilar uchun imtiyozlar ajratilgan.