O‘zbekiston-Xitoy o’rtasidagi hamkorlik muhokama etildi

Dast avval, vazir Adkham Ikramov tomonidan Prezidentimiz Shavkat Mirziyoyev barpo etayotgan Yangi Oʻzbekistonning imkoniyatlarini sport orqali jahon maydonida namoyish etish, jismoniy tarbiya va sportni qoʻllab-quvvatlash yoʻlida olib borayotgan ishlari xususida batafsil maʼlumot berildi. 

Shundan so'ng, MOQ Bosh kotibi Oybek Kasimov tomonidan “Toshkent-2025” Osiyo o‘yinlariga tayyorgarlik  ishlari yuzasidan ma'lumot berildi.

Xitoy Jismoniy tarbiya va sport bosh davlat boshqarmasi  direktori Gao Zhidan O‘zbekiston sportni rivojlantirish borasida salmoqli muvaffaqiyatlarga erishayotganini, oʻzbekistonlik sportchilarning xalqaro maydondagi natijalari ortib borayotganligini  maqtov bilan tilga oldi.

Uchrashuvda tomonlar sport sohasidagi hamkorlikni yanada rivojlantirish masalalarida kelishib olishdi.