"Global antidoping boshqaruvini mustahkamlash: uyg‘unlashtirish, muvofiqlik va mintaqaviy hamkorlik"mavzusida xalqaro forum bo'lib o'tmoqda

Mazkur xalqaro forumning asosiy maqsadi – Butunjahon antidoping agentligi (WADA) talablari va standartlariga muvofiq yuqori sifatli antidoping xizmatlarini yo‘lga qo‘yish, sport shifokorlari va murabbiylarning sohadagi malaka va ko‘nikmalarini yangi bosqichga olib chiqish va tajriba almashish hamda WADA va Mintaqaviy antidoping tashkilotlari (RADOCA) o‘rtasida antidoping siyosati va ta’limi bo‘yicha hamkorlikni kuchaytirish hisoblanadi. 

Xalqaro forumni o‘tkazish orqali xalqaro aloqalarni mustahkamlash bilan birga mahalliy sport tashkilotlarining 200 nafarga yaqin mutaxassislari halol sportni targ‘ib etish va taqiqlangan moddalarga qarshi kurashish va bu borada WADA talablarini o‘rganish imkoniyatiga ega bo‘ladi.

Shuningdek, forum doirasida “Global antidoping boshqaruvini mustahkamlash: uyg‘unlashtirish, muvofiqlik va mintaqaviy hamkorlik” mavzusida xalqaro konferensiya ham o‘z ishini boshladi.

Konferensiyada 12 ta mamlakatdan nufuzli mehmonlar, jumladan RADOCAga a’zo 8 ta tashkilot vakillari va sohaning yuqori malakali mutaxassislari ishtirok etmoqda. Xususan, sohada uzoq yillardan beri samarali faoliyat olib borayotgan xalqaro ekspertlar ma’ruzalari bilan ishtirok etmoqda.