Adliya vaziri Vengriya Intellektual mulk idorasi prezidenti bilan uchrashdi

Uchrashuvda O‘zbekiston va Vengriya o‘rtasidagi intellektual mulk sohasidagi hamkorlikning hozirgi holati va istiqbollari muhokama qilindi.

Akbar Tashkulov O‘zbekistonda intellektual mulk tizimini modernizatsiya qilish bo‘yicha amalga oshirilayotgan islohotlar, xususan, so‘nggi yillarda ro‘yxatdan o‘tkazilgan intellektual mulk obyekti soni ikki baravarga oshgani, milliy qonunchilik Jahon Savdo Tashkilotining TRIPS bitimi talablariga to‘liq moslashtirilganligini alohida ta’kidladi.

Shuningdek, geografik ko‘rsatkichlarni huquqiy muhofaza qilish, mintaqaviy brendlarni rivojlantirish hamda kontrafakt mahsulotlarga qarshi kurashish bo‘yicha ko‘rilayotgan choralar muhokama qilindi.

Uchrashuv yakunida O‘zbekiston Respublikasi Adliya vazirligi hamda Vengriya intellektual mulki idorasi o‘rtasida 2026-2027-yillar uchun hamkorlik dasturi imzolandi.