O‘zbekiston – BAA: “Zero bureaucracy” yo‘lida yangi bosqich

Tashrif davomida davlat xizmatlarini soddalashtirish, raqamlashtirish va inson manfaatiga yo‘naltirish bo‘yicha BAAning ilg‘or tajribasi muhokama qilindi.

Uchrashuvlarda quyidagi ustuvor yo‘nalishlar muhokama qilindi:

fuqarolik holati dalolatnomalarini qayd etishni soddalashtirish;

davlat xizmatlarida yagona raqamli yondashuv va ma’lumotlarni takror talab qilmaslik;

e-notariat va masofaviy xizmatlar;

mediatsiya orqali nizolarni sudgacha hal etish;

biznes va investorlar uchun huquqiy aniqlikni kuchaytirish.

Tomonlar 2026–2027-yillarga mo‘ljallangan qo‘shma faoliyat rejasi, qo‘shma ishchi mexanizmlar, pilot loyihalar hamda mutaxassislar almashuvini yo‘lga qo‘yish masalalarini muhokama qildilar.

Hamkorlikdan ko‘zlangan asosiy maqsad — fuqarolar va tadbirkorlar uchun tez, shaffof va ishonchli adliya xizmatlarini ta’minlash.