Yo‘l sohasini rivojlantirishda xalqaro hamkorlik

Tashrif davomida Ilhom Maxkamov Turkiya Transport va infratuzilma vaziri Abdulqodir Uralo‘g‘lu bilan uchrashdi. Uchrashuvda tomonlar transport va logistika, jumladan, avtomobil, temir yo‘l va aviatsiya transporti, shuningdek, yo‘l xo‘jaligi sohasidagi hamkorlik aloqalarini rivojlantirish bilan bog‘liq jihatlarni muhokama etishdi.
 
Shuningdek, Avtomobil yo‘llari Bosh boshqarmasi bosh menejeri Axmet Gyulshen bilan bo‘lib o‘tgan uchrashuvda Turkiyaning yo‘l xo‘jaligi sohasida to‘plagan boy tajribasi va ushbu yo‘nalishda hamkorlikni rivojlantirish yuzasidan fikr almashildi.
 
Xususan, yo‘l xo‘jaligi sohasida davlat boshqaruvi tizimi, avtomobil yo‘llarini va sun’iy inshootlarni loyihalash, qurish, rekonstruksiya qilish hamda ta’mirlash ishlarining qay shaklda moliyalashtirilishi, transport oqimini boshqarish va aqlli yo‘l tizimlarini joriy etish, pullik yo‘llar tizimi, yo‘l qurilish sohasida tenderlarni tashkil etish, sohada kadrlar tayyorlash bilan bog‘liq ko‘rib chiqildi.