“Rothschild & Co” moliya kompaniyasi vakillari bilan uchrashuv bo‘lib o‘tdi
2023-03-07 21:25:17 / Yangiliklar
Joriy yilning 7-mart kuni Iqtisodiyot va moliya vaziri Sherzod Kudbiyev “Rothschild & Co” kompaniyasi Kuzatuv kengashi a’zosi Ariel Malar de Rotshildni qabul qildi.
Muloqotda vazirlikning departament rahbarlari hamda Rothschild & Co” kompaniyasi MDH davlatlari bo‘yicha ijrochi direktor Djovanni Salvetti ishtirok etdilar.
Uchrashuv mobaynida tomonlar o‘rtasida O‘zbekistondagi xususiylashtirish bilan bog‘liq islohotlar hamda mavjud dolzarb masalalalar yuzasidan fikr almashinildi.
Uchrashuv davomida kompaniya vakillari tomonidan mamlakatimiz bozor mexanizmlarini va boshqa tarkibiy iqtisodiy o‘zgarishlarni kengaytirish orqali aholi farovonligini oshirishning strategik yo‘nalishlari muhokama qilindi.