Xalqaro valyuta jamg‘armasining Fiskal ishlar departamenti direktori o‘rinbosari bilan hamkorlik yo‘nalishlari yuzasidan fikr almashildi

Uchrashuvda Fiskal ishlar departamentining davlat moliyaviy boshqaruvi bo‘limi katta iqtisodchisi Amanda Sayeg, Daromadlarni boshqarish bo‘limi katta iqtisodchisi Vinsent de Pol Kukpayzan hamda Iqtisodiyot va moliya vaziri o‘rinbosari Axadbek Xaydarov, G‘aznachilik xizmati qo‘mitasi raisi Abdulaziz Xaydarov va boshqa mas’ul vakillar ishtirok etdi.

Muloqot davomida tomonlar o‘zaro manfaatli aloqalarni rivojlantirish, kelgusida hamkorlik yo‘nalishlarini kengaytirish hamda istiqboldagi rejalar, iqtisodiy-moliyaviy yo‘nalishlarda amalga oshirilayotgan loyihalar yuzasidan texnik ko‘mak taqdim etish masalalari yuzasidan muhokamalar olib bordi.

Xususan, muhokamalar davomida tomonlar quyidagi yo‘nalishlarga alohida to‘xtalib o‘tdi:

·       Davlat moliyasini boshqarish tizimini takomillashtirish strategiyasi;

·       Mahalliy hokimiyatlarni rivojlantirish va budjet mablag‘laridan samarali foydalanish bo‘yicha ko‘nikmalarni oshirish;

·       Soliq boshqaruvi sohasini rivojlantirish;

·       Bojxona sohasini rivojlantirish yuzasidan hamkorlik;

·       Sohalarda zamonaviy sun’iy intellekt texnologiyalarini keng joriy qilish.

Muzokaralar yakunida tomonlar o‘zaro hamkorlikni yangi tashabbuslar bilan boyitish, yuqoridagi masalalar yuzasidan fikrlar almashinuvi jarayonlarini kengaytirish hamda belgilangan maqsadlarga yetishda tizimli va samarali faoliyat olib borishga kelishib oldi.