Ōzbekiston Respublikasi Prezidentining Farmoni
Quriliş va uy-joy kommunal xōjaligi sohasida davlat nazoratini samarali taşkil qiliş çora-tadbirlari tōḡrisida.

Quriliş va uy-joy kommunal xōjaligi sohasida davlat nazoratini kuçaytiriş va manfaatlar tōqnaşuvining oldini oliş, quriliş-montaj işlarining sifati va loyiha hujjatlariga muvofiqligi, şuningdek, kōp kvartirali uy-joy fondini boşqariş, issiqlik taʼminotidan foydalaniş, içimlik suvi taʼminoti va oqova suvlarni çiqarib yuboriş xizmatlarini kōrsatiş hamda ulardan foydalaniş yuzasidan taʼsirçan davlat nazoratini taʼminlaş maqsadida qaror qilaman:
I. Maqsadlar
Quyidagilar quriliş va uy-joy kommunal xōjaligi sohasida davlat nazoratini takomillaştirişning asosiy maqsadlari etib belgilansin:
(a) Quriliş va uy-joy kommunal xōjaligi sohasida nazorat qiliş inspeksiyasini (keyingi ōrinlarda — Inspeksiya) mustaqil respublika ijro etuvçi hokimiyat organi sifatida şakllantiriş va manfaatlar tōqnaşuvining oldini oliş;
(b) joriy yil yakuniga qadar quriliş, kōp kvartirali uylarni boşqariş hamda içimlik suvi taʼmioti va oqova suvlarni çiqarib yuboriş sohasida nazorat funksiyalarini tōliq raqamlaştiriş;
(v) 2025-yil 1-iyulga qadar xususiy sektor tomonidan amalga oşiriladigan nazorat tizimi mexanizmlarini şakllantiriş.
II. Nazorat mexanizmlarini takomillaştiriş
2. Belgilansinki, 2025-yil 1-maydan boşlab:
(a) tadbirkor va quriliş va uy-joy kommunal xōjaligi sohasida nazorat qiliş hududiy inspeksiyalari (keyingi ōrinlarda — hududiy inspeksiyalar) ōrtasida şartnoma (ommaviy oferta) tuzilgan bōlsa, tadbirkorlik subʼektlarining quriliş obʼektlarida qisqa muddatli davlat quriliş nazorati tadbirlari şartnoma şartlari doirasida amalga oşiriladi va “Yagona davlat nazorati” axborot tizimida rōyxatdan ōtkazilmaydi;
(b) Inspeksiyaga kōp kvartirali uylarni boşqariş va saqlaş qoidalariga rioya etilişi ustidan davlat nazoratini amalga oşiriş jarayonida xōjalik yurituvçi subʼektlarning moliyalaştiriş manbalaridan qatʼi nazar moliya-xōjalik faoliyatiga aralaşiş qatʼiyan taqiqlanadi.
2025-yil 1-sentabrdan boşlab har bir qurilayotgan obʼektning QR-kodli pasporti joriy qilinsin. Bunda QR-kodli pasport orqali şaharsozlik subʼektlari, quriliş muddatlari, şaharsozlik hujjatlari (eskiz loyihalari) va tasdiqlangan ekspertiza xulosalari haqidagi maʼlumotlarni oliş imkoniyati yaratilsin.
Şunday tartib ōrnatilsinki, unga muvofiq:
(a) kōp kvartirali uylardagi joylarni, şuningdek, yertōlalarni qayta quriş va qayta rejalaştirişda şaharsozlik normalarini buzgan holda kōp kvartirali uyning konstruktiv qismlari va tayanç devorlariga ōzgartiriş kiritiş, buziş hamda binoning zilzilaga bardoşliligiga salbiy taʼsir qiladigan işlarni amalga oşiriş taqiqlanadi;
(b) 2025-yil 1-iyuldan boşlab barça içimlik suvi taʼmioti va oqova suvlarni çiqarib yuboriş tizimi obʼektlarini majburiy tarzda şartnoma asosida texnologik auditdan ōtkaziş tartibi joriy etiladi.
2025-yil 1-iyuldan boşlab:
(a) bosqiçma-bosqiç hududiy inspeksiyalarda Quriliş obʼektlarini onlayn kuzatiş markazi taşkil etilsin;
(b) tajriba-sinov tariqasida 2025-yilda Qaşqadaryo viloyatidagi Davlat budjeti mablaḡlari hisobiga yangidan quriladigan obʼektlarga videokameralar ōrnatilsin;
(v) quriliş va uy-joy kommunal xōjaligi sohasida davlat nazoratini amalga oşirişda mobil videokameralar (bodi kamera) va maxsus planşetlardan foydalanilsin;
(g) mobil videokameralar (bodi kamera), maxsus planşetlar va videokameralardan olingan maʼlumotlar tōḡridan-tōḡri Quriliş obʼektlarini onlayn kuzatiş markaziga uzatilsin;
(d) “Ye-maʼmuriy iş” axborot tizimida şaharsozlik tōḡrisidagi qonunçilik hujjatlari talablarini buzgan şaxslarga nisbatan maʼmuriy çoralar qōllaşni kōrib çiqiş tartibi soddalaştirilsin.
2025-yil 1-sentabrga qadar “Şaffof quriliş” milliy axborot tizimining “Qurilişda davlat nazorati” elektron platformasiga quyidagi maʼlumotlar integratsiya qilinsin:
(a) Kadastr agentligining “UZKAD” kadastr va kōçmas mulkni rōyxatdan ōtkaziş integratsion axborot tizimidagi kōp kvartirali uylarning umumiy foydalaniş maydoni va unga tutaş yer uçastkalari hamda xonadonning mulkdori, kadastr raqami va kadastr çizmasi tōḡrisidagi maʼlumotlar;
(b) “Ōzsuvtaʼminot” AJning billing tizimidagi isteʼmolçilarning manzili va soni, suv hisoblagiçlari kōrsatkiçlari, sarflangan suv miqdori va qarzdorlik, oqova suvlarni çiqariş, yangi qamrab olingan isteʼmolçilar tōḡrisida va boşqa maʼlumotlar.
III. Xususiy nazorat tizimi mexanizmlarini şakllantiriş
7. Şunday tartib ōrnatilsinki, unga muvofiq, 2025-yil 1-iyuldan boşlab:
(a) yakka tartibdagi uy-joylar va kiçik hajmdagi noturar bino va inşootlarni quriş hamda rekonstruksiya qiliş işlari yuzasidan quriliş nazorati xususiy sektor tomonidan olib boriladi (keyingi ōrinlarda — xususiy quriliş nazorati);
(b) xususiy quriliş nazorati arxitektura-şaharsozlik hujjatlarini işlab çiqiş faoliyati uçun litsenziyaga ega bōlgan hamda quriliş obʼektning loyiha-smeta hujjatlarining arxitektura qismini işlab çiqqan loyiha taşkiloti (keyingi ōrinlarda — loyihaçi) tomonidan şartnoma asosida amalga oşiriladi;
(v) xususiy quriliş nazorati obʼektlarida quriliş (rekonstruksiya işlari) yakunga yetgandan sōng loyihaçi tomonidan “Şaffof quriliş” milliy axborot tizimida xulosa şakllantiriladi va buyurtmaçiga taqdim etiladi;
(g) qurilişi (rekonstruksiya işlari) tugallangan obʼektdan foydalaniş uçun ruxsatnoma beriş tegişli tuman (şahar) quriliş va uy-joy kommunal xōjaligi bōlimlari (Toşkent şahrida — tuman quriliş bōlimlari) tomonidan amalga oşiriladi;
(d) xususiy quriliş nazorati olib borilmaganda yoki nazoratni olib borgan loyihaçining ijobiy xulosasi mavjud bōlmaganda obʼektlarni foydalanişga qabul qiliş taqiqlanadi.
Quyidagilar xususiy quriliş nazorati obʼektlari hisoblansin:
(a) ikki qavatdan yuqori bōlmagan (sokolni hisobga olmagan holda), balandligi yer yuzasidan 12 metrdan va (yoki) umumiy maydoni (yordamçi xōjalik imoratlarini hisobga olmagan holda) 500 kvadrat metrdan ortiq bōlmagan yakka tartibdagi uy-joylar;
(b) quriliş hajmi 300 metr kubdan ortiq bōlmagan noturar bino va inşootlar hamda yengil turdagi (konstruksiyali) qurilmalar.
IV. Institutsional islohotlar
9. Quriliş va uy-joy kommunal xōjaligi vazirligi huzuridagi Quriliş va uy-joy kommunal xōjaligi sohasida nazorat qiliş inspeksiyasi Vazirlar Mahkamasi bōysunuviga ōtkazilsin.
Quyidagilar:
(a) Vazirlar Mahkamasi huzuridagi Quriliş va uy-joy kommunal xōjaligi sohasida nazorat qiliş inspeksiyasi faoliyatining ustuvor yōnalişlari 1-ilovaga muvofiq;
(b) Vazirlar Mahkamasi huzuridagi Quriliş va uy-joy kommunal xōjaligi sohasida nazorat qiliş inspeksiyasining taşkiliy tuzilmasi 2-ilovaga muvofiq tasdiqlansin.
Belgilansinki:
(a) Inspeksiya quriliş va uy-joy kommunal xōjaligi sohasida davlat nazorati va tekşiruvini amalga oşiruvçi mustaqil respublika ijro etuvçi hokimiyat organi hisoblanadi;
(b) Inspeksiya bevosita Vazirlar Mahkamasiga hisobdordir;
(v) Inspeksiya boşliḡi Ōzbekiston Respublikasi Prezidenti tomonidan, uning ōrinbosarlari esa Ōzbekiston Respublikasi Prezidenti bilan kelişilgan holda Vazirlar Mahkamasi tomonidan lavozimga tayinlanadi hamda lavozimdan ozod qilinadi;
(g) hududiy inspeksiyalar xodimlari soni nazoratga olingan obʼektlarning umumiy sonidan, hajmidan va masofasidan kelib çiqqan holda belgilanadi.
Inspeksiya tuzilmasida 2 ta boşqaruv xodimi ştat birligidan iborat bōlgan komplaens nazorat xizmati taşkil etilsin va hududiy inspeksiyalar tuzilmasiga komplaens nazorat bōyiça mutaxassis lavozimi kiritilsin. Bunda Inspeksiyaning komplaens nazorat xizmati va hududiy inspeksiyalarning komplaens nazorat bōyiça mutaxassislari bevosita Inspeksiya boşliḡiga bōysunadi.
Hududiy inspeksiyalar faoliyatini taşkil etiş, nazorat qiliş va ularga umumiy rahbarlik qiliş vertikal boşqaruv tizimi asosida Inspeksiya tomonidan amalga oşiriladi. Bunda davlat hokimiyati va boşqaruvi organlari, huquqni muhofaza qiluvçi va nazorat organlari tomonidan Inspeksiya va hududiy inspeksiyalar xodimlari zimmasiga ularning vakolatiga kirmaydigan vazifalarni yuklaş taqiqlanadi.
V. Davlat nazorat tizimini moliyalaştiriş
14. Inspeksiya faoliyati Ōzbekiston Respublikasi respublika budjeti mablaḡlari, nazoratga olingan obʼektlar bōyiça undiriladigan ajratmalar va qōllanadigan jarimalar, xōjalik faoliyatidan olingan daromadlar, budjetdan taşqari tegişli jamḡarmalar hamda qonunçilikda taqiqlanmagan boşqa manbalar hisobidan moliyalaştirilsin.
Davlat quriliş nazorati amalga oşirilişi şart bōlgan barça obʼektlar bōyiça hududiy inspeksiyalarga ajratmalar quyidagi tartibda taqsimlanadi:
(a) 5 foizi — Ōzbekiston Respublikasi respublika budjetiga yōnaltiriladi;
(b) 5 foizi — Quriliş va uy-joy kommunal xōjaligi vazirligi faoliyatini qōllab-quvvatlaş jamḡarmasiga yōnaltiriladi;
(v) 10 foizi — Inspeksiyaning budjetdan taşqari hisobvaraḡiga yōnaltiriladi;
(g) 80 foizi — hududiy inspeksiyalar ixtiyorida qoldiriladi.
Inspeksiya va hududiy inspeksiyalar tomonidan ōz vakolatlari doirasida şaharsozlikka oid qonunçilik talablarini buzganlik uçun aybdor şaxslardan undiriladigan jarimalar quyidagi tartibda taqsimlanadi:
(a) 20 foizi — Qoraqalpoḡiston Respublikasi budjeti, viloyatlar va Toşkent şahar mahalliy budjetlariga yōnaltiriladi;
(b) 20 foizi — Quriliş va uy-joy kommunal xōjaligi vazirligi faoliyatini qōllab-quvvatlaş jamḡarmasiga yōnaltiriladi;
(v) 60 foizi — Inspeksiyaning budjetdan taşqari hisobvaraḡiga yōnaltiriladi.
Hududiy inspeksiyalarning şaharsozlik sohasida kōrsatadigan xizmatlari va bajaradigan işlaridan olingan daromadlar quyidagi tartibda taqsimlanadi:
(a) 15 foizi — Inspeksiyaning budjetdan taşqari hisobvaraḡiga yōnaltiriladi;
(b) 85 foizi — hududiy inspeksiyalarning ixtiyorida qoldiriladi.
Inspeksiyaning budjetdan taşqari mablaḡlaridan quyidagi maqsadlarda foydalanişga ruxsat berilsin:
(a) Inspeksiya va hududiy inspeksiyalarning moddiy-texnik bazasini mustahkamlaş;
(b) Inspeksiya va hududiy inspeksiyalarning joriy va boşqa xarajatlarini moliyalaştiriş;
(v) Inspeksiya va hududiy inspeksiyalarning xodimlarini moddiy raḡbatlantiriş va ijtimoiy taʼminlaş;
(g) Inspeksiya va hududiy inspeksiyalarning rahbarlari va mutaxassislarini tayyorlaş, qayta tayyorlaş va ularning malakasini oşiriş, şu jumladan, xorijiy davlatlar bilan tajriba almaşiş.
VI. Farmon ijrosini taşkil etiş, taʼminlaş va nazorat
19. Vazirlar Mahkamasi huzuridagi Quriliş va uy-joy kommunal xōjaligi sohasida nazorat qiliş inspeksiyasi faoliyatini rivojlantiriş bōyiça “yōl xaritasi” 3-ilovaga muvofiq tasdiqlansin.
20. Inspeksiya (S. Eşquvvatov) 2025-yil dekabrga qadar:
(a) hududiy inspeksiyalar xodimlari rotatsiyasi tizimini joriy etsin;
(b) xorijiy mamlakatlar bilan hamkorlik qilib, hududiy inspeksiya xodimlarini xorijga qisqa muddatli tajriba almaşiş, stajirovka ōtaşga yuboriş amaliyotini yōlga qōysin;
(v) Inspeksiyaning taşkil etilayotgan tarkibiy bōlinmalarini yuklangan vazifalarni professional darajada bajarişga qodir bōlgan yuqori malakali kadrlar bilan tōldirsin.
21. Quriliş va uy-joy kommunal xōjaligi vazirligi (Xidoyatov), Inspeksiya (S. Eşquvvatov) uç oy muddatda quyidagilar bōyiça Vazirlar Mahkamasiga taklif kiritsin:
(a) noqonuniy qurilişlarning oldini oliş va noqonuniy qurilgan obʼektlar egalariga nisbatan tegişli çoralar belgilaş;
(b) Ōzbekiston Respublikasi Prezidenti huzuridagi Tadbirkorlik subʼektlarining huquqlari va qonuniy manfaatlarini himoya qiliş bōyiça vakil devoni (J. Urunov) va Savdo-sanoat palatasi (D. Vaxabov) bilan birgalikda Inspeksiya tomonidan ōtkaziladigan nazorat tadbirlarida tekşirişlar tartibini soddalaştiriş, xabardor qiliş va “xavfni tahlil qiliş” tizimini takomillaştiriş.
22. Ōzbekiston Respublikasi Prezidentining ayrim hujjatlariga 4-ilovaga muvofiq ōzgartiriş va qōşimçalar kiritilsin.
23. Inspeksiya (S. Eşquvvatov) manfaatdor vazirlik va idoralar bilan birgalikda ikki oy muddatda uşbu Farmon talablaridan kelib çiqqan holda Inspeksiya faoliyatini samarali taşkil etiş bōyiça hamda qonunçilikka ōzgartiriş va qōşimçalar tōḡrisidagi takliflarni Vazirlar Mahkamasiga kiritsin.
24. Quriliş va uy-joy kommunal xōjaligi sohasida davlat nazoratini amalga oşirişda kōrilayotgan çora-tadbirlar mohiyatini aholi va keng jamoatçilikka tuşunarli tarzda yetkaziş işlarini taşkil etiş maqsadida Ōzbekiston Milliy teleradiokompaniyasi (A. Dyuraboev) Inspeksiya (S. Eşquvvatov) bilan birgalikda:
(a) mazkur Farmonning mazmun-mohiyatini keng tarḡib qilişga qaratilgan kōrsatuvlar, lavhalar, videoroliklar va eşittirişlar tayyorlasin;
(b) işlab çiqilgan mediamahsulotlar Milliy teleradiokompaniyaning barça tele- va radiokanallarida tizimli ravişda efirga uzatilişini taʼminlasin.
25. Mazkur Farmonning maqsadlariga erişiş doirasida quyidagilar masʼul etib belgilansin:
(a) Boş vazir ōrinbosari A.J. Ramatov — uşbu Farmonda belgilangan çora-tadbirlarni amalga oşiriş uçun masʼul vazirliklar, idoralar va taşkilotlarning faoliyatini muvofiqlaştirsin, har oyda bajarilgan işlar tōḡrisida ularning rahbarlari hisobotlarini qabul qilsin va aniqlangan kamçiliklarni ōz vaqtida bartaraf etsin;
(b) quriliş va uy-joy kommunal xōjaligi vaziri Ş.S. Xidoyatov — xususiy quriliş nazorati tizimi mexanizmlarini joriy etsin, quriliş obʼektlarining xavf-xatar toifalarini qayta kōrib çiqsin, “Şaffof quriliş” milliy axborot tizimini takomillaştiriş va sohada raqamlaştiriş işlarini samarali taşkil etsin;
(v) Inspeksiya boşliḡi S.Q. Eşquvvatov — davlat quriliş nazoratining takomillaşgan yangi tartibini joriy etiş, Inspeksiya va hududiy inspeksiyalar faoliyatiga zamonaviy axborot-kommunikatsiya texnologiyalarini bosqiçma-bosqiç tatbiq qiliş bōyiça işlar sifatli taşkil etilişini, şuningdek, uşbu Farmonni amalga oşiriş davomida yuzaga keladigan joriy masalalar tezkorlik bilan hal etilişini taʼminlasin.
26. Mazkur Farmonning ijrosini nazorat qiliş Ōzbekiston Respublikasi Boş vaziri A.N. Aripov zimmasiga yuklansin.
                  Ōzbekiston Respublikasi Prezidenti                                                                                                      Ş. MIRZIYOEV

Toşkent ş.,
2025-yil 14-aprel,
PF-66-son