O‘zbekiston Respublikasi Vazirlar mahkamasi huzuridagi Qurilish va uy-joy kommunal xo‘jaligi sohasida nazorat qilish inspeksiyasi

Xususan, Yangi Namangan tumani "Go‘zal" mahallasi hududida buyurtmachi "Namangan-Istiqlol bog‘i" MCHJ tomonidan pastki qavatlari savdo va maishiy xizmat ko‘rsatish shoxobchalari, yuqori qavatlari turar joy sifatida belgilangan obyektda olib borilayotgan qurilish ishlari o‘rganildi. Xususan, nazorat tadbirlari davomida bino loyiha-smeta hujjatlarida va shaharsozlik kengashining xulosasida besh qavatli bino sifatida ko‘rsatilgan bo‘lsa-da, amalda quruvchi tomonidan o‘zboshimchalik bilan qo‘shimcha yana bir qavat qurib olinayotgani aniqlandi. Qurilish ishlariga mas’ul shaxslarga nisbatan ma’muriy bayonnomalar rasmiylashtirildi. Shu bilan birga, qo‘shimcha qavatni demontaj qilish (snos) va obyektni loyihada ko‘rsatilgan holatga keltirish bo‘yicha bajarilishi majburiy bo‘lgan yozma buyruq chiqarilib, obyektda qurilish-montaj ishlari vaqtincha to‘xtatilgan.