Habar berib kelayotganimizdek, 2025-yil 24-fevraldagi 110-sonli qaror ijrosini ta’minlash va noqonuniy qurilishlarni oldini olish maqsadida hududlarda amaliy ishlar davom etmoqda. Shu doirada kuni kecha Toshkent viloyatida yig‘ilish o‘tkazildi.
2025-03-28 20:15:00 / Yangiliklar
Qurilish va uy-joy kommunal xo‘jaligi sohasida nazorat qilish inspeksiyasi boshlig‘ining birinchi o‘rinbosari Jabborov Jasur Bozorovich boshchiligidagi yig‘ilishda shaharsozlik normalariga rioya qilish, noqonuniy qurilishlarni bartaraf etish va nazoratni kuchaytirish masalalari muhokama qilindi.
Yig‘ilishda viloyat hokimligi, prokuratura, qurilish boshqarmasi, kadastr agentligi, adliya boshqarmasi, ichki ishlar boshqarmasi va boshqa mutasaddi tashkilotlar vakillari hamda tadbirkorlar ishtirok etdi. Shuningdek, qurilish jarayonlarida qonunchilikka rioya etish, mas’uliyatni oshirish va mavjud muammolarni bartaraf etish bo‘yicha takliflar berildi.
Yig‘ilish yakunida tegishli chora-tadbirlar belgilanib, mas’ul tashkilotlarga aniq vazifalar yuklatildi. Bunday yig‘ilishlar hududlarda davom etmoqda.
