Samarqand viloyati Qurilish va uy-joy kommunal xo‘jaligi sohasida hududiy nazorat qilish inspeksiyasi tomonidan Urgut tumanining “Yangi O‘zbekiston” massivida navbatdagi sayyor qabul tashkil etildi.
2026-07-31 10:35:00 / Yangiliklar
Sayyor qabul davomida jismoniy va yuridik shaxslarning qurilish sohasi, ko‘p kvartirali uy-joylarga xizmat ko‘rsatuvchi mulkdorlar shirkatlari faoliyati, suv tarmoqlaridan foydalanish hamda sohadagi boshqa masalalar bilan bog‘liq murojaat va takliflari tinglandi.
Jarayonda fuqarolar tomonidan bildirilgan masalalar masʼul mutaxassislar ishtirokida atroflicha o‘rganilib, ularni qonunchilik talablari asosida hal etish yuzasidan tegishli tushuntirishlar berildi.
Sayyor qabul doirasida qurilish sohasi, ko‘p kvartirali uy-joylarga xizmat ko‘rsatuvchi mulkdorlar shirkatlari faoliyati hamda suv tarmoqlaridan noqonuniy foydalanish bilan bog‘liq masalalar yuzasidan jami 29 ta murojaat ro‘yxatga olindi.
Har bir murojaat bo‘yicha belgilangan tartibda tegishli chora-tadbirlar rejasi ishlab chiqilib, ularning ijrosini taʼminlash bo‘yicha aniq muddatlar va masʼullar belgilab olindi. Qo‘shimcha o‘rganish talab etiladigan masalalar esa nazoratga olinib, ularni hal etish yuzasidan tegishli choralar ko‘rilmoqda.
