Zafarobod tumanida ichimlik suvidan shartnomasiz foydalanish holatlari aniqlandi
2026-07-17 14:10:00 / Yangiliklar
"Jizzax suv taʼminoti" AJning Zafarobod tuman filiali hamda Jizzax viloyati Qurilish va uy-joy kommunal xo‘jaligi sohasida hududiy nazorat qilish inspeksiyasi xodimlari hamkorligida Zafarobod tumanining "Cho‘li Guliston" mahallasida ichimlik suvi va oqova suv tarmoqlariga o‘zboshimchalik bilan ulanish hamda shartnomasiz foydalanish holatlarining oldini olish maqsadida nazorat tadbirlari olib borilmoqda.
Nazorat tadbirlari davomida 3 ta xonadonning ichimlik suvi tarmog‘iga o‘zboshimchalik bilan ulanib, undan noqonuniy va shartnomasiz foydalanib kelayotgani aniqlandi. Holat yuzasidan huquqbuzarlarga nisbatan belgilangan tartibda maʼmuriy javobgarlik choralari qo‘llanildi. Shuningdek, mazkur xonadonlar qonunchilikda belgilangan tartibda rasmiy shartnoma asosida qayta ulanguniga qadar ichimlik suvi tarmog‘idan uzib qo‘yildi.
