Xorazm viloyati Qurilish va uy-joy kommunal xo‘jaligi sohasida hududiy nazorat qilish inspeksiyasi xodimlari tomonidan qurilish-montaj ishlari ustidan tizimli monitoring va nazorat tadbirlari olib borilmoqda.
2026-06-22 10:25:00 / Yangiliklar
Jumladan, Tuproqqalʼa tumani, “Obod” mahallasi hududida qurilayotgan 5 qavatli turar-joy binosida navbatdagi nazorat tadbiri o‘tkazildi.
O‘rganishlar davomida ichki ajratuvchi devorlarning ayrim qismlarida g‘isht terish ishlari loyiha talablariga muvofiq bajarilmagani, shuningdek, texnika xavfsizligi qoidalariga to‘liq rioya etilmagani kabi qoidabuzarliklar aniqlandi.
Aniqlangan qoidabuzarliklar yuzasidan qurilish ishlari uchun masʼul shaxslarga ularni bartaraf etish bo‘yicha bajarilishi majburiy bo‘lgan yozma ko‘rsatmalar berildi. Shuningdek, sifatsiz bajarilgan g‘isht terish ishlari joyida buzdirilib, qayta meʼyoriy talablar asosida bajarish ishlari boshlab yuborildi.
