O‘zbekiston Respublikasi Vazirlar mahkamasi huzuridagi Qurilish va uy-joy kommunal xo‘jaligi sohasida nazorat qilish inspeksiyasi

Bugun Qurilish va uy-joy kommunal xo‘jaligi sohasida nazorat qilish inspeksiyasining Ijro nazorati bo‘limi tomonidan navbatdagi yig‘ilish bo‘lib o‘tdi. Yig‘ilishda qonunchilik hujjatlari va topshiriqlar hamda Hukumat qarorlari ijrosi holati bo‘yicha keng muhokama qilindi. Tadbirda, avvalo, yakunlangan oy davomida Inspeksiyaga O‘zbekiston Respublikasi Prezidentining qaror, farmon va farmoyish hamda topshiriqlaridan 31 ta kelib tushgan topshiriqlar yuzasidan amalga oshirilgan ishlar atroflicha ko‘rib chiqildi. Ushbu topshiriqlar ijrosi muddatlarida ta’minlangani ko‘rsatib o‘tilib, 2026-yil iyun oyida bajarilishi lozim bo‘ladigan 57 ta topshiriq ijrosini ta’minlash uchun mas’ul xodimlar mas’uliyati va javobgarligini oshirish yuzasidan ko‘rsatmalar berildi. Shuningdek, yuqori tashkilotlardan kelib tushgan topshiriqlar, ijro intizomi bo‘yicha berilgan vazifalarning bajarilish holati atroflicha muhokama qilindi. Har bir boshqarma va bo‘lim hamda hududiy inspeksiyalarning faoliyati tanqidiy tahlil qilinib, mavjud kamchiliklar ko‘rsatib o‘tildi va ularni bartaraf etish bo‘yicha aniq chora-tadbirlar belgilandi. Shuningdek, ijro intizomi darajasini yanada oshirish, topshiriqlarning o‘z vaqtida, sifatli va samarali ijrosini ta’minlash zarurligi alohida ta’kidlandi. Tadbir davomida kelgusi oyda amalga oshirilishi lozim bo‘lgan ustuvor vazifalar belgilab olindi, mas’ullar oldiga aniq maqsad va rejalar qo‘yildi. Mazkur yig‘ilishning yana bir muhim jihati shundan iborat bo‘ldiki, unda nafaqat bajarilgan ishlar muhokama qilindi, balki kelgusida ijro intizomini mustahkamlash, samaradorlikni oshirish, mas’ul xodimlar faoliyatida tizimlilik va mas’uliyatni kuchaytirish yo‘nalishida taklif va tavsiyalar ham ilgari surildi. Yig‘ilishda hududiy inspeksiyalar faol ishtirok etdilar. Ularning jarayonga to‘liq qo‘shilishlari uchun Zoom onlayn platformasi orqali masofadan ulanish imkoniyati yaratildi.