Namangan viloyati Qurilish va uy-joy kommunal xo‘jaligi sohasida hududiy nazorat qilish inspeksiyasi xodimlari tomonidan viloyat hududidagi qurilish obyektlarida monitoring ishlari izchil davom ettirilmoqda.
2026-04-16 12:00:00 / Yangiliklar
Navbatdagi o‘rganish Davlatobod tumanida joylashgan sog‘liqni saqlash muassasasi binosi qurilishida amalga oshirildi.
O‘rganish jarayonida qurilishda qo‘llanilayotgan materiallar sifati, qurilish-montaj ishlarining darajasi, shuningdek, ularning tasdiqlangan loyiha hujjatlari hamda amaldagi meʼyoriy talablarga muvofiqligi atroflicha tahlil qilindi.
Aniqlangan kamchiliklar yuzasidan masʼul shaxslarga ularni bartaraf etish bo‘yicha yozma ko‘rsatmalar berildi. Mazkur ko‘rsatmalar ijrosi belgilangan tartibda nazoratga olindi.
