O‘zbekiston Respublikasi Vazirlar mahkamasi huzuridagi Qurilish va uy-joy kommunal xo‘jaligi sohasida nazorat qilish inspeksiyasi

Bugun Andijon viloyati Qurilish va uy-joy kommunal xo‘jaligi sohasida hududiy nazorat qilish inspeksiyasi binosida sohadagi dolzarb masalalarga bag‘ishlangan yig‘ilish bo‘lib o‘tdi. Unda Andijon viloyati hududiy nazorat qilish inspeksiyasi boshlig‘i, viloyat Qurilish va uy-joy kommunal xo‘jaligi bosh boshqarmasi rahbariyati, “Yagona buyurtmachi xizmati” DUK hamda “O‘zsuvtaʼminot” tizimidagi mutasaddi tashkilotlar vakillari, shuningdek, sohada faoliyat yuritayotgan mutaxassislar ishtirok etdi. Yig‘ilishda qurilish ishlarida sifat nazoratini kuchaytirish, masʼullarning javobgarligini oshirish, shuningdek, obyektlarni belgilangan muddatlarda sifatli yakunlash masalalari muhokama qilindi. Kun tartibidagi masalalar yuzasidan tegishli masʼullarga aniq topshiriq va ko‘rsatmalar berildi. Shu bilan birga, mutaxassislar tomonidan taqdimotlar orqali mavzular keng yoritilib, ishtirokchilarning savollariga javoblar berildi. Yig‘ilish yakunida bu kabi dolzarb masalalarga bag‘ishlangan tadbirlarni muntazam o‘tkazib borish zarurligi taʼkidlandi.