O‘zbekiston Respublikasi Vazirlar mahkamasi huzuridagi Qurilish va uy-joy kommunal xo‘jaligi sohasida nazorat qilish inspeksiyasi

Bugun Qurilish va uy-joy kommunal xo‘jaligi sohasida nazorat qilish inspeksiyasida navbatdagi siyosiy-maʼrifat soati bo‘lib o‘tdi. Tadbir davomida mamlakatimizda amalga oshirilayotgan keng ko‘lamli islohotlar, davlat siyosatidagi ustuvor yo‘nalishlar, shuningdek, xalqaro maydonda yuz berayotgan muhim ijtimoiy-siyosiy jarayonlar haqida atroflicha maʼlumotlar taqdim etildi. Normativ-huquqiy hujjatlardagi yangiliklar yuzasidan tushuntirishlar berilib, xodimlarning huquqiy madaniyatini oshirish va siyosiy ongini mustahkamlashga alohida eʼtibor qaratildi. Shu bilan birga, buyuk davlat arbobi, shoir va mutafakkir Zahiriddin Muhammad Bobur tavalludi munosabati bilan davra suhbati tashkil etildi. Suhbat davomida Boburning boy ilmiy-adabiy merosi, uning davlatchilik va maʼnaviyat rivojiga qo‘shgan ulkan hissasi, shuningdek, yosh avlod tarbiyasida tutgan o‘rni haqida fikr-mulohazalar bildirildi. Ishtirokchilar tomonidan Bobur merosini o‘rganish va uning asarlarida mujassam bo‘lgan yuksak insoniy fazilatlarni targ‘ib etish bugungi kunda ham dolzarb ahamiyat kasb etishi taʼkidlandi.