O‘zbekiston Respublikasi Vazirlar mahkamasi huzuridagi Qurilish va uy-joy kommunal xo‘jaligi sohasida nazorat qilish inspeksiyasi

Farg‘ona viloyati Qurilish va uy-joy kommunal xo‘jaligi sohasida hududiy nazorat qilish inspeksiyasi tomonidan viloyat hududida joylashgan ko‘p kvartirali uy-joylarning zilzilabardoshlik holati hamda seysmik xavfsizlik meʼyorlariga muvofiqligini baholash bo‘yicha tizimli ishlar olib borilmoqda. Jumladan, navbatdagi monitoring tadbirlari doirasida Farg‘ona shahridagi “Abdulla Qodiriy” ko‘chasida joylashgan ko‘p kvartirali turar joy binolarining seysmik holatini o‘rganish ishlari amalga oshirildi. Ushbu tadbirlar doirasida ko‘p qavatli uylar vizual ko‘rikdan o‘tkazilib, binolarning konstruktiv elementlari mustahkamligi, umumiy texnik holati hamda seysmik xavfsizlik talablariga rioya etilishi yuzasidan tahlillar olib borilmoqda. O‘rganishlar natijasida obyektlar belgilangan tartibda xatlovga olinib, Pasportbino.uz elektron axborot tizimiga kiritilmoqda.