Bugun anʼanaga muvofiq Qurilish va uy-joy kommunal xo‘jaligi sohasida hududiy nazorat qilish inspeksiyalarida navbatdagi siyosiy-maʼrifiy soat bo‘lib o‘tdi.
2026-01-16 10:50:00 / Yangiliklar
Mazkur tadbir davomida O‘zbekiston Respublikasi Prezidentining 2025 yil 26 dekabr kuni Oliy Majlis va xalqimizga yo‘llagan Murojaatnomasining mazmun-mohiyati inspeksiya xodimlariga atroflicha tushuntirildi. Shuningdek, Murojaatnomada belgilangan ustuvor vazifalar, islohotlarning asosiy yo‘nalishlari hamda sohada amalga oshirilishi lozim bo‘lgan dolzarb vazifalar barcha xodimlarga yetkazildi.
Tadbirda markaziy apparat xodimlari o‘zlariga biriktirilgan hududlarda o‘tkazilayotgan siyosiy-maʼrifiy soatlarda masofaviy tarzda ishtirok etib, Zoom platformasi orqali seminar mashg‘ulotlarini bevosita kuzatib bordilar.
Mazkur siyosiy-maʼrifiy soatlar xodimlarning siyosiy-maʼrifiy bilimlarini oshirish, xizmat faoliyatida qonun ustuvorligini taʼminlash, kasbiy masʼuliyatni kuchaytirish hamda faol fuqarolik pozitsiyasini shakllantirishga xizmat qilishi taʼkidlandi.
