O‘zbekiston Respublikasi Vazirlar mahkamasi huzuridagi Qurilish va uy-joy kommunal xo‘jaligi sohasida nazorat qilish inspeksiyasi

Yurtimizda amalga oshirilayotgan qurilish ishlari shahar va qishloqlar qiyofasini yangilash barobarida aholi uchun qulay va zamonaviy yashash sharoitlarini yaratmoqda. Bu jarayonda qurilish sifati hamda xavfsizlik talablariga rioya etilishi ustuvor ahamiyat kasb etadi. Shu maqsadda Navoiy viloyati Qurilish va uy-joy kommunal xo‘jaligi sohasida hududiy nazorat qilish inspeksiyasi xodimlari tomonidan hududlardagi qurilish obyektlarida muntazam ravishda monitoring va nazorat tadbirlari olib borilmoqda. Navbatdagi o‘rganishlar Qiziltepa tumanida barpo etilayotgan ko‘p qavatli turar joy obyektlarida amalga oshirildi. Jarayonda qurilish texnologiyalari, foydalanilayotgan materiallar sifati hamda ishlarining amaldagi meʼyor va standartlarga muvofiqligi atroflicha tahlil qilinib, qurilish ishlarini belgilangan talablar asosida bajarish yuzasidan yozma ko‘rsatmalar berildi hamda ularning ijrosi qatʼiy nazoratga olindi.