O‘zbekiston Respublikasi Vazirlar mahkamasi huzuridagi Qurilish va uy-joy kommunal xo‘jaligi sohasida nazorat qilish inspeksiyasi

Avval xabar berganimizdek, Respublika bo‘ylab inspeksiya xodimlari tomonidan tungi reyd tadbirlari olib borilmoqda. Ayni daqiqalarda Qashqadaryo viloyati Qurilish va uy-joy kommunal xo‘jaligi sohasida hududiy nazorat qilish inspeksiyasi xodimlari tomonidan Qarshi tumani “Navo” mahallasi hududida joylashgan ko‘p qavatli uylarga xizmat ko‘rsatuvchi boshqaruv servis kompaniyalari faoliyatini o‘rganish maqsadida reyd tadbirlari o‘tkazilmoqda. Ayni paytda “Orzu Nur” boshqaruv servis kompaniyasi faoliyati ko‘zdan kechirilmoqda. Tadbir davomida boshqaruv organlarining qish mavsumiga tayyorgarligi, 24/7 rejimida faoliyat yuritayotgan dispetcherlik xizmati holati, ko‘p qavatli uylar yerto‘lalarining sanitariya holati, issiqlik taʼminoti tizimining barqarorligi hamda aholi xonadonlarida issiqlik taʼminoti holati o‘rganilmoqda. Fuqarolar uchun xavfsiz va barqaror yashash sharoitlarini taʼminlash, qish mavsumida aholining murojaatlariga tezkor javob qaytarish hamda kommunal xizmatlar sifatini oshirish hamda aholiga yaratilayotgan sharoitlarni yana-da yaxshilash maqsadida bunday nazorat tadbirlari izchil davom ettirilmoqda. #QASHQADARYO