Masʼuliyatli bosqichda boshqaruv servis kompaniyalari fuqarolarga qanday xizmat ko‘rsatmoqda?
2025-12-22 19:30:00 / Yangiliklar
Hozirda, Toshkent shahar Qurilish va uy-joy kommunal xo‘jaligi sohasida hududiy nazorat qilish inspeksiyasi xodimlari tomonidan poytaxt hududidagi ko‘p qavatli uylarga xizmat ko‘rsatuvchi boshqaruv servis kompaniyalari faoliyatini o‘rganish maqsadida Yashnobod tumanida reyd tadbirlari o‘tkazilmoqda.
Tadbir davomida boshqaruv organlarining qish mavsumiga tayyorgarligi, 24/7 rejimida faoliyat yuritayotgan dispetcherlik xizmati faoliyati, ko‘p qavatli uylar yerutlalarining sanitariya holati, issiqlik taʼminoti tizimining barqarorligi, ko‘p qavatli uylarga kirish-chiqish yo‘laklarida qum-tuz qo‘yilishi hamda moddiy-texnika bazasi holati o‘rganilmoqda.
Respublika bo‘ylab kuzatilayotgan qorli va sovuq ob-havo ushbu kompaniyalarga yana-da katta masʼuliyat yuklaydi. Shu bois inspeksiya xodimlari tomonidan ularning faoliyati doimiy ravishda nazorat qilib borilmoqda hamda aniqlangan qoidbuzarliklar bo‘yicha tegishli chora-tadbirlar amalga oshirilmoqda.
Qurilish va uy-joy kommunal xo‘jaligi sohasida hududiy nazorat qilish inspeksiyalari tomonidan Respublika bo‘ylab kuchaytirilgan tartibda nazorat tadbirlari olib borilmoqda
