O‘zbekiston Respublikasi Vazirlar mahkamasi huzuridagi Qurilish va uy-joy kommunal xo‘jaligi sohasida nazorat qilish inspeksiyasi

Inspeksiyaning ichimlik suvi ta’minoti va oqova suvlarni chiqarib yuborish sohasida davlat nazoratini amalga oshiruvchi xodimlari uchun navbatdagi amaliy darslar "Toshkent shahar suv ta’minoti" AJ tasarrufidagi "Bo‘zsuv" bosh suv inshootida bo‘lib o‘tdi. Dars jarayonida mutaxassislar tomonidan malaka oshiruvchilarga inshootlardagi texnologik jarayonlar, shuningdek, inshootlarni texnologik auditdan o‘tkazishda e’tibor qaratiladigan asosiy jihatlar va nazorat tadbirlarini o‘tkazish tartibi yuzasidan atroflicha axborot berildi. Ta’kidlash lozimki, amaliy mashg‘ulotlar davomida ishtirokchilar real texnologik jarayonlarni kuzatish, mutaxassislar bilan savol-javob o‘tkazish, shuningdek ularni qiziqtirgan masalalar bo‘yicha zarur tushunchalarni olish imkoniyatiga ega bo‘ldilar. Mazkur malaka oshirish darslari inspeksiya xodimlarining nazorat ishlarini yanada samarali tashkil etish, huquqbuzarliklarning oldini olish va sohada mas’uliyatni oshirishga xizmat qiladi.