Surxondaryo viloyati Muzrabot tumani hokimligi

Bugun, 4-avgust kuni O‘zbekiston Respublikasi Prezidentining Muzrabot tumanidagi  Xalq qabulxonasida navbatdagi tadbirkorlar va fuqarolar qabuli bo‘lib o‘tdi. Qabulda Muzrabot tumani hokimi Abdulla Mamatqulov, tuman hokimligi masʼullari, shuningdek, tuman korxona va tashkilotlari rahbarlari ishtirok etdi. Mazkur qabul jarayonida turli masalalar bo‘yicha murojaat qilgan fuqarolarning 60 ga yaqin ariza va takliflari ko‘rib chiqildi. Fuqarolar tomonidan bildirilgan har bir murojaat atroflicha o‘rganilib, ularni ijobiy hal etish hamda qonun hujjatlari doirasida ko‘rib chiqish yuzasidan tegishli mutasaddi tashkilotlarga aniq topshiriqlar berildi.