Surxondaryo viloyati Muzrabot tumani hokimligi

#Muzrabot_tumani
 

Muzrabot tuman hokimining navbatdagi fuqarolar va tadbirkorlar qabuli o‘tkazildi

Muzrabot tumani Xalq qabulxonasi binosida tuman hokimi A.Mamatqulov tomonidan navbatdagi fuqarolar va tadbirkorlar qabuli o‘tkazildi. Qabulda tuman hokimi o'rinbosarlari tegishli korxona, tashkilot va muassasalar rahbarlari hamda mas’ul mutaxassislar ishtirok etdi.

Muloqot davomida fuqarolar va tadbirkorlar tomonidan ijtimoiy himoya, bandlik, uy-joy bilan bog‘liq masalalar, kommunal xizmatlar, tadbirkorlik va iqtisodiy yo‘nalishlar hamda boshqa dolzarb muammolar yuzasidan jami 64 ta murojaat bildirildi. Har bir murojaat atroflicha o‘rganilib, amaldagi tartib asosida ko‘rib chiqildi.

Qabul jarayonida murojaatlarning 8 tasi joyida ijobiy hal etilib, fuqarolarga amaliy ko‘mak ko‘rsatildi. Qo‘shimcha o‘rganish va tegishli choralar ko‘rishni talab etuvchi 56 ta murojaat yuzasidan esa mas’ul tashkilotlar rahbarlariga aniq vazifalar yuklatilib, ularning ijrosi nazoratga olindi.

Shuningdek, murojaatlarda ko‘tarilgan masalalarni joyiga chiqib o‘rganish, mavjud muammolarni bartaraf etish hamda fuqarolarni qiynayotgan masalalarga amaliy yechim topish bo‘yicha tegishli mutasaddilarga topshiriqlar berildi.

Fuqarolar murojaatlari bilan ishlash, ularning qonuniy manfaatlarini ta’minlash hamda mavjud muammolarni o‘z vaqtida hal etish Muzrabot tumani hokimligi faoliyatining ustuvor yo‘nalishlaridan biri bo‘lib qolmoqda.