Mehnatobod mahallasida issiqxona faoliyati va kengaytirish ishlari o‘rganildi
2026-04-06 09:50:00 / Yangiliklar
Mehnatobod mahallasida issiqxona faoliyati va kengaytirish ishlari o‘rganildi
Mehnatobod mahallasida fuqaro Sherali Jo‘raev tomonidan 17 sotix maydonda tashkil etilgan issiqxona faoliyati tuman hokimi Abdulla Mamatqulov tomonidan o‘rganildi.
O‘rganish jarayonida issiqxonada amalga oshirilayotgan ishlar, ekinlarni parvarish qilish holati hamda hosildorlikni oshirish bo‘yicha ko‘rilayotgan choralar bilan tanishildi. Mazkur issiqxonada pomidor parvarishlanib, tez kunlarda hosil pishib yetilib, ichki bozorlarga chiqarilishi rejalashtirilgan.
Shuningdek, hokim yordamchisi tomonidan tadbirkorga avval 30 mln so‘m kredit ajratilgani, yana 30 mln so‘m miqdorida qo‘shimcha kredit ajratish rejalashtirilayotgan.
O‘rganish davomida fuqaro tomonidan issiqxona faoliyatini kengaytirish, qo‘shimcha yer maydoni ajratish bo‘yicha taklif va murojaat bildirildi.
Tuman hokimi tomonidan issiqxonachilikni rivojlantirish, zamonaviy texnologiyalarni joriy etish va faoliyatni kengaytirishni qo‘llab-quvvatlash maqsadida talab etiladigan yer maydonlarini qonunchilik asosida auksion savdolari orqali taqdim etish bo‘yicha mas’ullarga tegishli topshiriqlar berildi.
Shu yo‘sinda hududda issiqxona xo‘jaligini rivojlantirish, yangi ish o‘rinlarini yaratish hamda aholini arzon va sifatli mahsulotlar bilan ta’minlashga qaratilgan ishlar izchil davom ettirilmoqda.
