O‘zbekiston Respublikasi Prezidenti tomonidan 16.02.2026 yilda PF-21-sonli Farmon qabul qilindi.

Ushbu Farmonda Mamlakat taraqqiyotining 2030 yilgacha mo‘ljallangan ustuvor yo‘nalishlari doirasida islohotlarni izchil davom ettirish va yangi bosqichga olib chiqishning qo‘shimcha chora-tadbirlari belgilandi.

Farmonda:

«O‘zbekiston — 2030» strategiyasi doirasida erishilgan yutuqlar va mavjud muammolarni hisobga olgan holda real sharoitga mos, o‘lchash va baholash imkoni mavjud samaradorlik ko‘rsatkichlarini belgilash;

«O‘zbekiston — 2030» strategiyasi bilan belgilangan o‘rta muddatga mo‘ljallangan maqsadlarning samaradorlik ko‘rsatkichlarini yangi chaqiriqlar hamda shiddat bilan o‘zgarayotgan umumjahon tendensiyalariga muvofiq holda yangilash;

«O‘zbekiston — 2030» strategiyasi maqsadlariga erishilishini monitoring qilish jarayonlarini to‘liq raqamlashtirish;

Coha, tarmoq va hududlarni rivojlantirish bo‘yicha strategik rejalashtirish hujjatlarining «O‘zbekiston — 2030» strategiyasi bilan uyg‘unligini ta’minlash maqsadlari qo‘zlangan.

Shu bilan birga mazkur Farmon bilan sud-huquq va huquqni muhofaza qiluvchi organlar sohasini isloh qilish bo‘yicha bir qator maqsadlar ham mavjud.

Farmonning 84,85,86,88 – bandlari o‘shbu maqsadlarni qamrab olandi.

Xususan, 84 maqsadda:

- jinoyat ishi yurituvida yarashuv institutidan foydalanish imkoniyatini 20 foizga oshirish;

- sudlar hamda tergov organlari faoliyatida ayrim protsessual harakatlarni masofadan turib amalga oshirish imkoniyatlaridan foydalanish darajasini 50 foizga yetkazish;

- kiberjinoyatlarning umumiy jinoyatchilikdagi ulushini
45 foizgacha kamaytirish, yoshlar tomonidan sodir etilayotgan oldini olish mumkin bo‘lgan jinoyatlarni 3 foizgacha kamaytirish;

- ayollar tomonidan sodir etilayotgan oldini olish mumkin bo‘lgan jinoyatlarni 3 foizgacha kamaytirish;

- aholi kundalik hayotiga bevosita ta’sir qiluvchi sohalarda qabul qilingan jami 10 ta asosiy normativ-huquqiy hujjatlarni inson huquqlariga oid xalqaro standartlarga muvofiqlashtirish, har yili davlat organlari va huquqni muhofaza qiluvchi organlarning 300 nafar xodimlarini inson huquqlari bo‘yicha maxsus malaka oshirish kurslari bilan qamrab olish qo‘zlangan.

Bundan tashqari, mazkur Farmon bilan Sudyalar orasida xotin-qizlar ulushini 30 foizga yetkazish maqsadi qo‘yildi. Bunda 2026 yilda - 20 foiz, 2027 yilda - 24 foiz, 2028 yilda - 26 foiz, 2029 yilda 28 foiz, 2030 yilda - 30 foizga yetkazish maqsadi qo‘yildi. Shuningdek, fuqarolarga odil sudlovga erishishda qulay imkoniyatlar yaratish maqsadida yangi interaktiv xizmatlar sonini 19 taga yetkazish maqsadi qo‘yildi.

 Xulosa qilib aytganda, O‘zbekiston Respublikasi Prezidentining 2026 yil 16 fevraldagi PF-21 Farmoni "O‘zbekiston – 2030" strategiyasini hayotga tatbiq etishni yanada jadallashtirish, jarayonlarni to‘liq raqamlashtirish va davlat organlari rahbarlarining bu boradagi shaxsiy masu’liyatini keskin oshirishga qaratilgan.

Jinoyat ishlari bo‘yicha Muzrabot tumani sudi raisi: Y.Bekkamov