Olis hududlarda vatanparvarlik festivallari o‘tkazilmoqda
2024-09-18 16:50:00 / Yangiliklar
Janubi-gʻarbiy maxsus harbiy okrug, Yoshlar ishlari agentligi viloyat boshqarmasi hamkorligida tuman markazidan 100 kilometr uzoqlikda joylashgan Bobotogʻ hududida yoshlar forumi doirasida turli xil sport musobaqalari hamda gala-konsert boʻlib oʻtdi.
Dastlab sportning yugurish turi boʻyicha ishtirokchilar oʻz imkoniyatlarini sinovdan oʻtkazishdi. Shiddatli va qizgʻin kechgan musobaqa hakamlar tomonidan kuzatib borildi. Shundan soʻng Bobotogʻ hududiga qarashli to‘rtta mahalla yoshlari oʻrtasida sportning shaxmat-shashka, valeybol hamda tosh koʻtarish turlari boʻyicha musobaqalari o‘tkazildi.
Mahallalardagi yoshlar qalbida vatanparvarlik tuygʻusini oshirish maqsadida Xayrobod garnizonida joylashgan harbiy qism harbiy xizmatchilarining vatanparvarlik chiqishlari ham boʻlib oʻtdi. Yurt posbonlarining Vatanni madh etuvchi kuy-qoʻshiqlari va turli xil sahna koʻrinishlari yosh oʻgʻil-qizlarda ushbu sohaga boʻlgan qiziqishni oshirgan boʻlsa, respublikamizning koʻzga koʻringan sanʼatkorlarining chiqishglari yigʻilganlarda bir olam quvonch va zavq-shavq ulashdi.
Janubi-g‘arbiy maxsus harbiy okrug matbuot xizmati