Qoʻshkoʻpirdagi chegara oldi mahallada harbiy navolar yangradi
2024-09-18 10:30:00 / Yangiliklar
Festival tumandagi 24-son maktabda boshlanib, unda Oʻzbekiston Respublikasi Mudofaa vazirligi, Davlat xavfsizlik xizmati Chegara qoʻshinlari hamda Milliy gvardiya harbiy xizmatchilari tomonidan yoshlar uchun qurol-aslaha va harbiy texnikalar namoyishi oʻtkazildi.
Jangovar qurollar bilan ilk tanishuv yoshlarda qiziqish uygʻotib, Vatan himoyachisi boʻlish orzusini yanada alangalatgan boʻlsa, ularning taktik-texnik xususiyatlari va jangovar imkoniyatlari haqidagi maʼlumotlar katta taassurotlar qoldirdi.
Mahalla ahli uchun uyushtirilgan konsert dasturi hech kimni beeʼtibor qoldirmadi. Nukus garnizoni Maʼnaviyat va maʼrifat markazining harbiy orkestri ijrosidagi Vatanni madh etuvchi kuy va qoʻshiqlar, diltortar navolar vatandoshlarimizda mana shunday osoyishta yurtda farovon hayot kechirayotganidan shukronalik hissini yanada oshirdi.
Shimoli-g‘arbiy harbiy okrug matbuot xizmati