Davlat organlari va tashkilotlarida korrupsiyaga nisbatan murosasiz munosabat shakllantiriladi
2026-02-20 19:35:00 / Yangiliklar
"Davlat organlari va tashkilotlarining korrupsiyaga qarshi ichki nazorat bo‘linmalarining mustaqilligini ta’minlash va faoliyati samaradorligini oshirish chora-tadbirlari to‘g‘risida"gi Prezident qarori
(PQ-147-son, 21.04.2025 y.) qabul qilindi.
Qarorga ko‘ra, davlat organlari va tashkilotlari, ustav fondida (ustav kapitalida) davlat ulushi 50 foiz va undan ortiq bo‘lgan xo‘jalik jamiyatlarida korrupsiyaga qarshi ichki nazorat bo‘linmalarining asosiy vazifalari etib quyidagilar belgilandi, xususan:
korrupsiya holatlarini erta aniqlash va ularning oldini olish, ularga imkon beruvchi sabab va shart-sharoitlarni bartaraf etish;
davlat xizmatlarini ko‘rsatishda korrupsiyaviy omillarni bartaraf etish, maishiy korrupsiyaning oldini olish, shu jumladan, raqamlashtirish, byurokratiyani qisqartirish bo‘yicha takliflar ishlab chiqish;
idoraviy normativ-huquqiy hujjatlarni korrupsiyaga qarshi ekspertizadan o‘tkazish va yakunlari bo‘yicha aniqlangan korrupsiyaviy normalarni bekor qilish bo‘yicha taklif kiritish.
Korrupsiyaga qarshi ichki nazorat bo‘linmalari o‘z faoliyatida bevosita tashkilotning birinchi rahbariga bo‘ysunadi va unga hisobot beradi.
Korrupsiyaga qarshi ichki nazorat bo‘linmalarini tashkil etishning minimal mezonlari tasdiqlandi.
R.Annarazov, Mo‘ynoq tumani
ADLIYA BO‘LIMI RAHBARI