Qoraqalpog`iston Rеspublikаsi Mo'ynoq tumani hokimligi

Moʻynoq tumani hududida tuman prokuraturasi tashabbusi bilan yoshlar ishtirokida korrupsion holatlarning oldini olishga qaratilgan ma’naviy-ma’rifiy tadbir tashkil etildi. Tadbir “Halollik – Kelajak Poydevori!” shiori ostida ko‘tarinki ruhda o‘tdi.

Uchrashuv davomida yoshlar bilan ochiq muloqotlar tashkil etilib, korrupsiyaning jamiyat taraqqiyotiga salbiy ta’siri, uning oldini olish mexanizmlari va har bir fuqaroning bu boradagi mas’uliyati haqida atroflicha tushunchalar berildi.

Tadbir nafaqat ma’ruza shaklida, balki interaktiv savol-javoblar, sahna ko‘rinishlari va yoshlarning fikr-mulohazalari bilan boyitildi. Ayniqsa, “Halollik tanlovi” nomli kichik sahna chiqishlari yig‘ilganlarda katta taassurot qoldirdi.

Yoshlar o‘z fikrlarida bir ovozdan shuni ta’kidlashdi:

“Korrupsiyaga qarshi kurash – bu faqat huquqni muhofaza qiluvchi organlarning vazifasi emas, balki har birimizning fuqarolik burchimizdir.”

Tadbir yakunida halollik va adolat tamoyillariga sodiq qolish, korrupsiyaga nisbatan murosasiz munosabatni shakllantirish bo‘yicha taklif va tashabbuslar ilgari surildi.

Mo‘ynoq yoshlari bugun halollik bayrog‘ini baland ko‘tardi. Zero, porloq kelajak – halol niyat va pok vijdon bilan boshlanadi!