Toshkent shahar Mirobod tumani hokimligi

Tantanali tadbir Sharqshunoslik universiteti binosida tashkil etildi. Tanlov O‘zbekiston Respublikasi Prezidentining 2022 yil 7 martdagi farmoni hamda Oliy Majlis Senati Kengashining 2022 yil 27 apreldagi qaroriga muvofiq tasdiqlangan Milliy dastur doirasida o‘tkazildi.

Tadbir avvalida Mirobod tumani hokimining o‘rinbosari Feruza Madaminova ishtirokchilarga murojaat etib, shunday dedi:

"Bugun xotin-qizlar jamiyatning barcha jabhalarida — iqtisodiyotda, siyosatda, fan va madaniyatda faol ishtirok etmoqda. Ayollar — kuchli jamoatchilik salohiyatiga ega ta’sirli kuchga aylandi. Endi ushbu salohiyatni Mirobod tumanining barqaror taraqqiyoti yo‘lida to‘laqonli ishga solish vaqti keldi".

Tanlovda ishtirok etish uchun hujjat topshirgan 17 nafar ayol quyidagi uch bosqichda o‘z mahoratlarini namoyish etdi:
1️⃣ O‘zini tanishtirish;
2️⃣ Savol va javob;
3️⃣ “Zamonaviy o‘zbek ayoli” mavzusida videorolik namoyishi.

Ishtirokchilar 11 ta nominatsiya bo‘yicha bellashdilar:

• "Yilning eng vatanparvar ayoli"
• "Yilning eng faol olima ayoli"
• "Yilning eng ilg‘or tadbirkor ayoli"
• "Yilning eng yaxshi ijodkor ayoli"
• "O‘z kasbining ustasi bo‘lgan yil ayoli"
• "Yilning eng kuchli ma’naviy-ma’rifiy targ‘ibotchisi"
• "Yilning eng yaxshi uy bekasi"
• "Yilning eng jonkuyar ustozi"
• "Yilning eng faol sog‘lom turmush tarzi targ‘ibotchisi"
• "Yilning eng yangi g‘oyalar tashabbuskori"
• "Yilning eng yaxshi IT-dizayner ayoli"

Tanlov g‘oliblari 4 noyabr kuni e’lon qilinadi. G‘oliblar tanlovning noyabr oyi ikkinchi yarmida bo‘lib o‘tadigan shahar bosqichiga yo‘llanma oladi.