Mirobod dehqon bozorida keng ko‘lamli obodonlashtirish ishlari boshlandi
2025-10-28 17:50:00 / Yangiliklar
Hurmatli Mirobod tumani aholisi va bozor xaridorlari!
Ijtimoiy tarmoqlarda Mirobod (“Gospitalniy”) bozori atrofida to‘siqlar o‘rnatilayotgani haqida xabarlar tarqaldi.
Shuni ma’lum qilamizki, bu ishlar bozor atrofi hududida keng ko‘lamli obodonlashtirish va ko‘kalamzorlashtirish loyihasi doirasida amalga oshirilmoqda.
Loyiha maqsadi — bozor atrofini zamonaviy qiyofaga keltirish va fuqarolar uchun qulay muhit yaratishdir.
Eng muhimi — mavjud daraxtlar kesilmaydi.
Aksincha, hududda yangi ko‘chatlar ekiladi, yashil maydonlar ko‘paytiriladi va piyodalar uchun qulay, toza va xavfsiz maskan yaratiladi.
Ishlar bir oy muddatda yakunlanishi rejalashtirilgan.
Bu davr mobaynida bozor faoliyati belgilangan tartibda davom etadi, fuqarolardan vaqtinchalik noqulayliklar uchun uzr so‘raymiz.