Toshkent shahar Mirobod tumani hokimligi

Xususan, Toshkent shahar hokimining o‘rinbosari Shahnoza Sultanova hamda Mirobod tumani hokimining o‘rinbosari Feruza Madaminova tumandagi ijtimoiy muhofazaga muhtoj oilalar reestriga kiritilgan oilalar holatini o‘rganish, ularning yashash sharoiti, farzandlari ta’limi va sog‘lig‘i bo‘yicha aniq ma’lumotlarga ega bo‘lish maqsadida mahallalarga tashrif buyurdilar.

Ushbu uchrashuvlar davomida oilalarning kundalik muammolari, ta’lim, sog‘liqni saqlash, ish bilan ta’minlash va boshqa sohalardagi ehtiyojlari yuzasidan fuqarolar bilan ochiq muloqot o‘tkazildi. Ijtimoiy himoya tizimidagi mavjud imkoniyatlar va davlat tomonidan ko‘rsatilayotgan imtiyozlar haqida tushuntirishlar berildi.

Shuningdek, “Ayollar daftari”ga kiritilgan xotin-qizlarning farzandlari uchun 2025-2026 o‘quv yili oldidan katta quvonch ulashuvchi tadbir o‘tkazildi. Ularga maxsus tayyorlangan maktab o‘quv qurollari to‘plamlari tantanali ravishda topshirildi. Bu esa nafaqat bolalar, balki ularning ota-onalari uchun ham katta qo‘llab-quvvatlash bo‘ldi.

Tadbir ishtirokchilari tomonidan qayd etilganidek, bu kabi tashrif va muloqotlar nafaqat muammolarni aniqlash, balki ularni joyida hal qilish, ijtimoiy adolatni ta’minlash, jamiyatda birdamlik va hamjihatlikni mustahkamlashga xizmat qiladi.

Bunday ishlar Mirobod tumanida tizimli ravishda olib borilayotgan bo‘lib, har bir oilaning turmush sifatini yaxshilash, ayollar va bolalarning huquqlarini himoya qilish, ularga munosib shart-sharoit yaratish yo‘lida amaliy natijalarni bermoqda.