Tumanimizda 90 metr uzunlikda yangi suv tarmog‘i qurildi
2025-08-21 12:55:00 / Yangiliklar
Mirobod tumani "Suvta’minoti" xodimlari tomonidan aholini toza ichimlik suvi bilan uzluksiz ta’minlash bo‘yicha tizimli ishlar amalga oshirilmoqda.
Xususan, "Ziyonur" mahallasi (Qo‘yliq-2 ) hamda "Yuksalish" mahallasi (Qo‘yliq-3) aholisini yilning har qanday faslida barqaror ichimlik suvi bilan ta’minlash maqsadida umumiy uzunligi 90 metr va diametri 200 mm bo‘lgan yangi suv tarmog‘i qayta qurildi.
Mazkur infratuzilma loyihasi orqali suv bosimi barqarorlashib, aholi uchun yanada sifatli ichimlik suvi ta’minoti yaratiladi.
Ayni paytda qurilish ishlari yakuniy bosqichga yetkazilgan, yaqin kunlarda obyekt to‘liq ishga tushirilishi rejalashtirilgan.
Bu kabi amaliy ishlar mahallalarda yashovchi fuqarolarning hayot sifatini oshirishga, sanitariya-epidemiologik barqarorlikni ta’minlashga xizmat qiladi.