Salar kanalining Mirobod tumanidan o‘tgan qismida obodonlashtirish ishlari davom etmoqda
2025-08-09 09:45:00 / Yangiliklar
Salar kanalining Avliyo ota ko'chasi va THAY kesishmasi oldidan oqib o'tuvchi qismi bo‘ylarini yangilash va obodonlashtirish bo‘yicha ishlar jadal davom etmoqda.
Bir vaqtlar qarovsiz va abgor, zararkunanda va kemiruvchilarga boy bo‘lib qolgan hudud bugun yangi qiyofa kasb etmoqda. Kanal qirg'og'i bo‘ylab tadbirkorlar tomonidan o‘rnatilgan noqonuniy qurilmalar bartaraf etilmoqda.
Qurilmalarni o‘rnatgan shaxslarga ularni olib tashlash bo‘yicha qat’iy ogohlantirish berilib, maydon tozalanmoqda. Mazkur shaxslarga Ma’muriy javobgarlik to‘g‘risidagi kodeksning tegishli moddalariga asosan jarimalar qo‘llanmoqda.
Yaqin kelajakda bu hudud poytaxt aholisi va mehmonlari uchun chiroyli va qulay sayr maskaniga aylanadi.