Bir maktabga — 1000 ta yangi kitob, g‘oya va imkoniyat!
2026-09-10 14:40:00 / Yangiliklar
Ushbu ezgu tashabbus Toshkent shahar hokimligi hamda Respublika Ma’naviyat va ma’rifat markazi tomonidan “Kitobxon Toshkent” loyihasi doirasida amalga oshirildi.
Ta’kidlash joizki, mazkur loyiha doirasida Toshkent shahridagi umumta’lim maktablariga badiiy, ma’rifiy va ilmiy-ommabop adabiyotlardan iborat kitoblar jamlanmalari taqdim etilmoqda.
Endi bu kitoblar kutubxona javonlarini shunchaki bezab turmaydi — ular o‘quvchilarning tafakkurini boyitib, yangi bilim va g‘oyalar sari yo‘l ochadi.
Zero, kitob — tafakkur manbai, ma’naviyat tayanchi va kelajak sari yo‘l ko‘rsatuvchi eng ishonchli hamrohdir. Balki shu 1000 ta kitob orasida kimningdir kelajakdagi kasbi, hayotdagi maqsadi yoki katta orzusiga yo‘l ko‘rsatadigan asar bordir?
📚 Kitob ko‘paygan joyda bilim, tafakkur va katta orzular ham ko‘payadi.
Kitobxon avlod — bilimli jamiyat va yorqin kelajak poydevoridir.