Toshkent shahar Mirobod tumani hokimligi

Bu vazifaning mazmuni — ehtiyojmand oilani aniqlash yoki ro‘yxatga kiritish bilan cheklanmasdan, uni kambag‘allikdan chiqarishning aniq yo‘lini topish.

Shu maqsadda Mirobod tumani hokimi Anvar Sayfutdinov bugun “Qorasuv” va “Oltinko‘l” mahallalarida bo‘lib, mahalla “yettiligi” hamda aholi bilan yuzma-yuz muloqot qildi.

Oilalarning ijtimoiy-iqtisodiy holati, mehnat salohiyati, ish bilan ta’minlash va daromadini oshirish imkoniyatlari joyida o‘rganildi.

O‘rganishlar davomida kim ishsiz, kimga kasb kerak, kim tadbirkorlik qilish istagida, qaysi oilaga ishlash uchun sharoit yaratish zarur va mahalladagi qaysi imkoniyatni daromad manbaiga aylantirish mumkin — degan savollarga javob izlandi.

Natijada har bir holat bo‘yicha aniq choralar belgilandi.

Ta’kidlanganidek, kambag‘allikni qisqartirish — faqat bir martalik yordam ko‘rsatish emas. Bu — insonga o‘z mehnati bilan munosib daromad topishi uchun sharoit yaratish, oilani barqaror hayotga olib chiqishdir.
 

Tuman hokimi Anvar Sayfutdinov mas’ullarga vazifalarni belgilab, shunday ta’kidladi:

“Oldimizdagi asosiy vazifa — ehtiyojmand oilani reyestrdan chiqarish emas, uni kambag‘allikdan chiqarish. Har bir mahallada buning uchun imkoniyat bor. Biz ana shu imkoniyatni topib, har bir oilani daromadli qilishimiz kerak. Natija har bir xonadonda ko‘rinishi shart.”

 Endi mas’ullar uchun asosiy mezon — o‘rganilgan xonadonlar soni emas, hal qilingan muammolar va yaratilgan daromad manbalari.

Har bir mahallada kimni ishga joylashtirish, kimni kasbga yo‘naltirish, kimning tadbirkorlik tashabbusini qo‘llab-quvvatlash mumkinligi aniq bo‘lishi kerak. Har bir oila bo‘yicha "nima muammo bor?" degan savoldan keyin "bu oilani daromadli qilish uchun nima qila olamiz?" degan savol turishi shart. Raqam va hisobot emas — xonadondagi o‘zgarish yakuniy natija bo‘ladi.