Toshkent shahar Mirobod tumani hokimligi

Saf yig‘ini Mirobod tumani hokimi Anvar Sayfutdinov hamda tuman IIOFMB boshlig‘i U. Nasriddinov rahbarligida tashkil etildi.

Unda kommunal xizmatlar, mahalla “yettiligi”, sanitariya-epidemiologiya xizmati, BSK, ichki ishlar, Milliy gvardiya, FVB va jamoatchilik vakillari ishtirok etdi.

Yig‘ilishda har bir mutasaddi tashkilot va mas’ulning o‘z yo‘nalishi bo‘yicha ishlarni aniq reja asosida tashkil etishi, hududdagi mavjud kamchiliklarni tezkorlik bilan bartaraf etishi va belgilangan vazifalar ijrosini ta’minlashi bo‘yicha topshiriqlar berildi.

Jumladan, hududlarni sanitariya jihatidan tozalash, ko‘cha va ko‘p qavatli uylar atrofini tartibga keltirish, “Furqat” bog‘ida keng ko‘lamli hashar ishlarini tashkil etish, muhandislik-kommunal infratuzilmasidagi kamchiliklarni bartaraf etish hamda aholi uchun yanada qulay va xavfsiz muhit yaratish vazifalari belgilandi.

Shu bilan birga, obodonlashtirish ishlari bilan bir qatorda aholi bilan manzilli ishlashga ham alohida e’tibor qaratilishi ta’kidlandi. Xususan, ijtimoiy xodimlarga xonadonlarga kirib, kam ta’minlangan, yolg‘iz keksalar va ijtimoiy ko‘makka ehtiyojmand fuqarolarning holidan xabar olish, ularning muammolarini o‘rganish hamda zarur yordam choralarini tashkil etish bo‘yicha vazifalar yuklatildi.

Ya’ni, har bir yo‘nalish bo‘yicha ishlarni sifatli tashkil etish bilan birga, mahallada har bir xonadon, har bir oila va har bir inson e’tibordan chetda qolmasligi asosiy vazifalardan biri sifatida belgilandi.

Mirobod tumanida obodlik va ko‘rkamlik bilan bir qatorda, aholiga g‘amxo‘rlik va mehr-e’tiborni kuchaytirish, munosib va xavfsiz yashash muhitini yaratishga qaratilgan ishlar izchil davom ettiriladi.