Xalq deputatlari Mirobod tuman Kengashining navbatdagi 27-sessiyasi bo‘lib o‘tdi
2026-08-06 17:25:00 / Yangiliklar
Sessiya davomida kun tartibiga kiritilgan qator masalalar ko‘rib chiqildi. Jumladan, O‘zbekiston Respublikasi Prezidentining Mirobod tumani Xalq qabulxonasi tomonidan 2026-yil davomida amalga oshirilgan ishlar, tuman maktabgacha va maktab ta’limi bo‘limining 2026-yil birinchi yarim yillikdagi faoliyati, mahalliy byudjetning 2026-yil II chorakdagi ijrosi hamda qo‘shimcha manbalarni xarajatlarga yo‘naltirish masalalari yuzasidan hisobotlar tinglandi.
Shuningdek, O‘zbekiston Respublikasi Prezidentining PQ–48-son qarori ijrosiga oid Xalq deputatlari Mirobod tuman Kengashining avvalgi qaroriga o‘zgartirish kiritish masalasi ham muhokama qilinib, tegishli qarorlar qabul qilindi.
Sessiya yakunida kun tartibidagi masalalar yuzasidan mutasaddilarga tegishli topshiriqlar berildi.