Mirobodda banklar va mahallalar hamkorligini kuchaytirish bo‘yicha ustuvor vazifalar muhokama qilindi
2026-07-23 12:35:00 / Yangiliklar
Uchrashuv davomida O‘zbekiston Respublikasi Prezidentining PF–116-son Farmoni va PQ–49-son qarori ijrosini ta’minlash, shuningdek, davlatimiz rahbari raisligida o‘tkazilgan selektor yig‘ilishlarida belgilangan ustuvor vazifalarning ijrosi muhokama qilindi.
Xususan, tumanda kambag‘allik va ishsizlikni qisqartirish, aholi daromadlarini oshirish, yangi ish o‘rinlarini yaratish, mahallalarning iqtisodiy salohiyatidan samarali foydalanish hamda aholini tadbirkorlikka keng jalb etish masalalariga alohida e’tibor qaratildi.
Shuningdek, bank xodimlarining xonadonbay ishlash orqali aholining tadbirkorlik tashabbuslarini qo‘llab-quvvatlash, istiqbolli loyihalarni moliyalashtirish, ajratilgan kredit mablag‘larining manzilliligi va samaradorligini ta’minlash borasidagi mas’uliyati alohida ta’kidlandi.
Uchrashuv yakunida har bir mas’ul uchun aniq vazifalar belgilab berildi. Belgilangan topshiriqlar ijrosini tizimli nazorat qilish, mahallabay ishlash samaradorligini yanada oshirish hamda banklar va mahalla mas’ullari o‘rtasidagi hamkorlikni mustahkamlash yuzasidan tegishli ko‘rsatmalar berildi.