Mirobod tumanida xavfsiz muhitni ta'minlash bo'yicha tizimli ishlar davom etmoqda
2026-07-10 20:25:00 / Yangiliklar
"Xavfsiz va sog'lom yurt" keng qamrovli tezkor-profilaktik tadbiri doirasida Mirobod tumani Ichki ishlar organlari tomonidan migratsiya qonunchiligiga rioya etilishi yuzasidan sanoat zonalari, korxona va tashkilotlar hamda boshqa obyektlarda nazorat tadbirlari o'tkazilmoqda.
Tadbirlar davomida fuqarolarning vaqtincha yashash joylari bo'yicha ro'yxatga olinishi, pasport-viza qoidalariga rioya etilishi o'rganilib, aniqlangan kamchiliklarni bartaraf etish yuzasidan tegishli choralar ko'rilmoqda.
Mazkur tadbirlar tuman hududida xavfsiz muhitni mustahkamlash, huquqbuzarliklarning barvaqt oldini olish hamda fuqarolarning huquq va qonuniy manfaatlarini ishonchli himoya qilishga xizmat qilmoqda.