Toshkent shahar Mirobod tumani hokimligi

Unda tuman prokurori B.Abdullayev, tuman soliq inspeksiyasi rahbari X. Inomov hamda tuman yashirin iqtisodiyotga qarshi kurashish departamenti boshlig‘i R. Muminov ishtirok etib, sohada olib borilayotgan ishlar samaradorligi atroflicha muhokama qilindi.

Yig‘ilish davomida O‘zbekiston Respublikasi Prezidentining 2020 yil 30 oktyabrdagi PF–6098-sonli va 2024 yil 16 yanvardagi PF–11-sonli Farmonlari hamda mazkur yo‘nalishda ishlab chiqilgan “Yo‘l xaritasi” ijrosining bugungi holati tahlil qilindi. Shuningdek, tumanlarga biriktirilgan mas’ullar faoliyati, ishchi guruhlar ko‘rsatkichlari va ular zimmasiga yuklatilgan vazifalar ijrosi tanqidiy ko‘rib chiqildi.

Yig‘ilishda yashirin iqtisodiyot shakllanishining turli usul va kanallarini aniqlash, ularning oldini olish hamda bartaraf etish bo‘yicha aniq va manzilli topshiriqlar belgilab berildi. Mas’ullar tomonidan idoralararo hamkorlikni yanada kuchaytirish, tadbirkorlik sub’ektlarini qo‘llab-quvvatlash va qonuniy iqtisodiy faoliyatni rag‘batlantirish ustuvor vazifa ekani alohida ta’kidlandi.

Shu bilan birga, tuman prokuraturasi, davlat soliq xizmati va tegishli departament tomonidan mutasaddi tashkilotlar bilan hamkorlikda mehmonxona faoliyati bilan shug‘ullanuvchi tadbirkorlik sub’ektlari faoliyati 2025 yil dekabr oyidan buyon tizimli ravishda o‘rganib kelinmoqda. Olib borilgan o‘rganishlar jarayonida ayrim mehmonxonalar faoliyatida mehmonlarni ro‘yxatga olish tartibiga to‘liq rioya etmaslik, tushumlar hisobini yuritishda shaffoflikning yetarli darajada ta’minlanmagani, soliq hisobotlarini taqdim etishda kamchiliklarga yo‘l qo‘yilgani hamda mehnat munosabatlarini rasmiylashtirishda qonun talablariga to‘liq amal qilinmagani kabi holatlar aniqlandi.

Aniqlangan kamchiliklarni bartaraf etish, qonunbuzilishlarning oldini olish hamda sohada qonuniylikni ta’minlash yuzasidan mas’ullarga tegishli topshiriqlar berildi.