Toshkent shahar Mirobod tumani hokimligi

Shu munosabat bilan barchangizni quyidagi tashabbuslarda faol ishtirok etishga chorlaymiz:

✅ Oshxona, kafe, restoran, bozor va savdo majmualarida faoliyat yuritayotgan xotin-qizlarimiz milliy liboslarda ishlash chellenjiga qo‘shilib, bayramona kayfiyat yaratishga hissa qo‘shishlari so‘raladi.

✅ Milliy liboslarimiz — “atlas”, “adras” kabi noyob merosimizni zamonaviy uslubda namoyon etish maqsadida dizayner va chevar qizlarimiz o‘rtasida tanlov va ijodiy loyihalar tashkil etiladi. Siz ham o‘z ijodingizni namoyish etib, ijtimoiy tarmoqlarda faol bo‘ling!

✅ Shahrimizning diqqatga sazovor maskanlari, xiyobonlar va metro bekatlarida milliy liboslar ko‘rgazmalari o‘tkaziladi. Taniqli xotin-qizlar va blogerlar ishtirokidagi ushbu tadbirlarda siz ham faol qatnashing.

✅ Aholi gavjum hududlarda “Milliy karaoke” chellenji tashkil etiladi. Milliy qo‘shiqlar va laparlar ijro etib, bayramona muhitni yanada jonlantiramiz!

✅ Milliy do‘ppi targ‘iboti doirasida maxsus chellenjlar o‘tkaziladi. Barchangizni milliy bosh kiyimimiz — do‘ppini faxr bilan kiyib, ushbu harakatga qo‘shilishga chaqiramiz.

  Aziz opa-singillar!

Milliy libos — bu nafaqat kiyim, balki xalqimizning tarixi, madaniyati va iftixoridir. Keling, uni birgalikda asraylik va zamonaviy ruhda targ‘ib etaylik!

Barchangizni ushbu #MilliyStyleUz chellenjida faol ishtirok etishga taklif etamiz!