Toshkent shahar Mirobod tumani hokimligi

Memorandumni imzolashdan maqsad:

✅ “Birlamchi bepul huquqiy maslahat” loyihasi doirasida mahallalarda deputat ishtirokida bo‘lib o‘tadigan “Deputat qabuli”, “Sayyor qabul”larda “Madad” NNT ma’sullari bilan hamkorlikda aholining muammolariga huquqiy masalalar bo‘yicha huquqiy javob, masalani hal etish yuzasidan oflayn va onlayn maslahat olish va tushuntirishlar berish yo‘li bilan birlamchi yuridik yordam ko‘rsatish;

✅ Kengash sessiyalari kun tartibida ko‘rib chiqilishi rejalashtirilgan ayrim, meyoriy tusdagi masalalarni tayyorlashda huquqiy maslahat olish;

✅ fuqarolar tomonidan huquqiy maslahat olishga oid so‘rovlarni tahlil qilib borish, tahlil natijasiga ko‘ra huquqni qo‘llash amaliyoti va amaldagi qonunchilikni takomillashtirish yuzasidan Kengash deputatlari bilan birgalikda takliflar ishlab chiqish;

✅ aholining huquqiy ongi va huquqiy madaniyatini yuksaltirishda innovatsion usullarni, xorijiy davlatlarning bu boradagi ijobiy tajribalaridan foydalanish, shuningdek, yana bir qator ijtimoiy-iqtisodiy yo‘nalishlarda aholiga huquqiy maslahat berish doirasida hamkorlik qilish belgilandi.

Memorandumni imzolash marosimida “Madad” NNT ijrochi direktori Sh.K.Saidov, NNT ma’sullari hamda Xalq deputatlari Mirobod tuman Kengashi raisi X.Z.Kayumov, deputatlar F.A.Muxitdinova, M.Sh.Mullaboyev, A.B.Mamanazarov, A.A.Karimov va O‘zbekiston Mahallalar uyushmasi Mirobod tuman bo‘limi rahbari M.M.Axmadjonov ishtirok etdi.