Toshkent shahar Mirobod tumani hokimligi

Ana shunday ezgu tashabbuslar doirasida Mirobod tumanida ilk bor oilaviy bolalar uyi o‘z faoliyatini boshladi. Tuman hududida fuqarolar G.Yakubova va uning turmush o‘rtog‘i K.Ravshanovlar tashabbusi bilan tashkil etilgan “Yulduzcha” nomli oilaviy bolalar uyi bolajonlar uchun mehr va e’tiborga to‘la maskanga aylanmoqda.

Ayni paytda mazkur oilaviy bolalar uyida 3 nafar qiz bola tarbiyalanmoqda. Har biri o‘ziga xos qobiliyat va iste’dodga ega bo‘lgan bu bolalar endi haqiqiy oila bag‘rida, sog‘lom va barkamol muhitda voyaga yetmoqda.

Yosh oila tomonidan bolalarning har tomonlama kamol topishi uchun barcha zarur shart-sharoitlar yaratilgan. Ular doimiy e’tibor, mehr-muruvvat bilan o‘ralgan bo‘lib, ijtimoiy, psixologik hamda tarbiyaviy jihatdan to‘liq qo‘llab-quvvatlanmoqda. Bu esa bolalarning jismonan sog‘lom, ma’nan yetuk va kelajakka ishonch bilan qarab ulg‘ayishiga xizmat qilmoqda.

Takidlash joizki, oilaviy bolalar uyi — bu shunchaki yashash joyi emas, balki farzandlar uchun haqiqiy oila muhitini yaratib beradigan, ularning taqdiriga befarq bo‘lmagan insonlar bag‘rida shakllanadigan mehr maskani hisoblanadi.