Hurmatli jamoatchilik faollari, OAV vakillari va blogerlar!
2025-12-15 13:00:00 / Yangiliklar
Bugun, 15-dekabr kuni, “9-dekabr – Xalqaro korrupsiyaga qarshi kurash kuni” munosabati bilan o‘tkazilayotgan Aksilkorrupsiya oyligi doirasida Mirobod tuman hokimligida “Hokimlik faoliyatida ochiqlikni ta’minlash, korrupsiyaning oldini olish va unga qarshi kurashish borasida amalga oshirilayotgan ishlar” mavzusiga bag‘ishlangan Ochiq eshiklar kuni tadbiri tashkil etiladi.
Tadbir davomida:
🔵 hokimlik faoliyatining ochiqligi va shaffofligini ta’minlash bo‘yicha ko‘rilayotgan chora-tadbirlar,
🔵 korrupsiyaning oldini olish mexanizmlari,
🔵 fuqarolar murojaatlari bilan ishlash tizimining holati,
🔵 jamoatchilik bilan o‘zaro hamkorlikning yanada kuchaytirilishi kabi yo‘nalishlarda amalga oshirilayotgan ishlar yuzasidan batafsil ma’lumotlar taqdim etiladi.
Mazkur tadbirda keng jamoatchilik vakillari, ommaviy axborot vositalari jurnalistlari hamda blogerlarning faol ishtirok etishi biz uchun muhimdir. Sizning fikr-mulohazalaringiz ochiqlik va shaffoflikni ta’minlashga doir ishlarni yanada takomillashtirishga xizmat qiladi.
Manzil: Mirobod tumani, Nukus ko‘chasi, 18-uy
Tadbir boshlanish vaqti: 15:00