Mirobodda Davlat bayrog‘i kuni munosabati bilan tantanali harbiy parad bo‘lib o‘tdi
2025-11-18 16:20:00 / Yangiliklar
Mirobod tumanida O‘zbekiston Respublikasi Davlat bayrog‘i qabul qilinganining 34 yilligi munosabati bilan keng qamrovli bayram tadbiri bo‘lib o‘tdi.
Mirobod tumani hokimligi, O‘zbekiston Respublikasi Milliy gvardiyasi hamda “Temurbeklar maktabi” harbiy akademik litseyi hamkorligida tumanimizning Taras Shevchenko gastronomik ko‘chasida tantanali harbiy parad tashkil etildi.
Harbiy orkestrlar, bolalar ijodiy jamoalari, yoshlar va mahalla faollari ishtirokidagi ushbu bayramona tadbir ko‘tarinki ruhda o‘tdi.
Tadbir davomida Davlat bayrog‘imiz qadri, uning milliy birlik, mustaqillik va Vatan sha’ni ramzi sifatidagi o‘rni alohida ta’kidlab o‘tildi.
Mirobod tumani aholisi, yoshlar va faxriylar tomonidan bayrog‘imizga bo‘lgan chuqur hurmat, sadoqat va faxr yana bir bor namoyon bo‘ldi.