Toshkent shahar Mirobod tumani hokimligi

Kechayu kunduz davom etayotgan keng ko‘lamli obodonlashtirish va ko‘kalamzorlashtirish ishlari doirasida bozor atrofi butunlay yangi ko‘rinishga ega bo‘lmoqda.

Loyiha maqsadi — fuqarolar va mehmonlar uchun qulay, toza va xavfsiz muhit yaratish, bozor atrofiga zamonaviy shinamlik va go‘zallik bag‘ishlashdan iborat.

Eng muhim jihat — mavjud daraxtlar saqlab qolinmoqda. Shu bilan birga, yangidan ko‘chatlar ekilib, yashil maydonlar kengaytirilmoqda. Bu esa ekologik muhitni yaxshilash va aholi uchun sog‘lom muhit yaratishga xizmat qiladi.

Ishlar jadal sur’atlarda olib borilmoqda va qisqa fursatda yakunlanishi rejalashtirilgan. Eslatib o‘tamiz, qurilish ishlari davrida bozor o‘z faoliyatini odatdagidek davom ettirmoqda.

Mirobod dehqon bozori — bu nafaqat savdo maskani, balki Toshkentning tarixiy ruhi, mehnatkash xalqimiz madaniyati va zamonaviy taraqqiyot ramzidir.

Mirobod - an’analar saqlanadigan, har qanday yangilanish esa taraqqiyotga xizmat qiladigan tuman!